इस चिरजा को यूट्यूब पर सुनने के लिए यहां क्लिक करें
म्हारी मावड़ी रो मुखड़ो देख्यां दुखड़ा कटै,
म्हारी करणी मां रा दर्शण करियां दुखड़ा मिटै |
ओ....दुखड़ा कटै ...मन री चिंता मिटै ..दुखड़ा कटै ....जन री विपदा छंटै |
म्हारी मावड़ी रा ओ...... म्हारी करणी मां रा दर्शण करियां दुखड़ा मिटै |
सुरज सा'मो प्यारो देवरो भवानी रो ......२,
हां जी मैया शोभा वरणी न जाय |
म्हारी मावड़ी रा ओ....... म्हारी करणी मां रो मुखड़ो देख्यां दुखड़ा मिटै |
म्हारी मावड़ी रा दर्शण करियां दुखड़ा मिटै |
दूर देशां सुं आवै जातरू भवानी रै .....२,
हां जी मैया मढ़ मांही काबां री किलोन |
म्हारी मावड़ी रा ओ..... म्हारी करणी मां रा दर्शण करियां दुखड़ा मिटै |
म्हारी मावड़ी रा दर्शण करियां दुखड़ा मिटै |
मोत्यां जड़यी लाखी लोवड़ी मेहाई री....२,
हां जी मैया मुखड़ै पर तेज अपार
म्हारी मावड़ी रा ओ...... म्हारी करणी मां रा दर्शण करियां दुखड़ा मिटै |
म्हारी मावड़ी रा दर्शण करियां दुखड़ा मिटै |
प्रांजल वरणी चिरजा चाव सूं भवानी री ....२,
हां जी मैया सगला ही जस गाय
म्हारी मावड़ी रा ओ.... म्हारी करणी मां रा दर्शण करियां दुखड़ा मिटै |
म्हारी मावड़ी रा दर्शण करियां दुखड़ा मिटै
प्रहलाद सिंह कविया "प्रांजल"
No comments:
Post a Comment